Federata e Boksit e Kosovës (FBoxK) do të organizojë turneun e 17-të ndërkombëtar “PAVARËSIA”, i cili do të mbahet me 15 Shkurt 2025 në Pallatin e Rinisë dhe Sportit në Prishtinë.
FBoxK ka bërë të ditur se ka kryer të gjitha përgatitjet për organizimin sa më të mirë të këtij turneu, i cili nga viti në vit po bëhet edhe më masiv dhe cilësor.
Pjesëmarrëse në turne do të jenë: Bullgaria, Maqedonia e Verut, Shqipëria dhe Kosova. Duelet do të zhvillohen me fillim nga ora 13:00.