Presidenti i Federatës së Futbollit të Iranit, Mehdi Taj, ka vënë në dyshim pjesëmarrjen e kombëtares iraniane në Kupën e Botës 2026, që do të mbahet në SHBA, Meksikë dhe Kanada.
Në një intervistë për portalin sportiv iranian “Varzesh3”, ai deklaroi se zhvillimet e fundit politike dhe ushtarake, si dhe tensionet me Shtetet e Bashkuara, e bëjnë të vështirë të ketë optimizëm për praninë e Iranit në turne. Sipas tij, situata ka krijuar pasiguri serioze dhe vendimi përfundimtar do të merret nga autoritetet më të larta sportive në vend.
Taj theksoi se faktorët politikë dhe çështjet që lidhen me vizat mund ta komplikojnë edhe më shumë rrugën drejt Botërorit.