Ministri i Mbrojtjes, Armend Mehaj bashkë me zyrtarët e Ministrisë së Mbrojtjes dhe ushtarakët e Forcës së Sigurisë të Kosovës nga radhët e komunitetit ashkali shënuan ditën e Ashkalive.
Ministri Mehaj u shpreh se pjesëtarët e këtij komuniteti e vërtetojnë diversitetin etnik në FSK dhe shërbejnë në ushtrinë e vendit tonë për të mirën e përbashkët të të gjithë qytetarëve.
“Me këtë rast, shpreh edhe njëherë urimet e përzemërta gjithë qytetarëve të vendit nga radhët e komunitetit ashkali, duke ju rikonfirmuar se FSK është e gjithë qytetarëve të saj, pa dallime të përkatësisë etnike, racore, fetare e gjinore”, shkroi Mehaj në Facebook./UBTNews
