Sony do të rrisë çmimin e shitjes me pakicë të konsolës së lojërave të saj PlayStation 5 në tregje të zgjedhura për shkak të zhvillimeve ekonomike globale si inflacioni, tha të enjten CEO i Sony Interactive Entertainment.
“Ne po shohim norma të larta të inflacionit global, si dhe tendenca të pafavorshme të monedhës, duke ndikuar tek konsumatorët dhe duke krijuar presion në shumë industri“, shkroi Jim Ryan në një blog.
Rritja e çmimit do të jetë efektive në tregje të zgjedhura në të gjithë Evropën, Lindjen e Mesme dhe Afrikë, Azi-Paqësorin, Amerikën Latine dhe Kanada.
Nuk do të ketë rritje në ShBA. /UBTNews/