Shtëpia origjinale nga filmi i njohur i festave të fundvitit, “Home Alone”, tani është e disponueshme për ta rezervuar në Airbnb, përcjell UBT News.
Pas publikimit të Disney+ “Home Sweet Home Alone” të ri, shtëpia e Çikagos tani po hap dyert për fansat vetëm për një natë në rezidencën McCallister më 12 dhjetor.
Buzz McCallister, vëllai i madh i Kevinit apo aktorit e rolin kryesor në “Home Alone”, Macaulay Culkin, do të mirëpresë deri në katër të ftuar.
“Ju mund të mos më mbani mend veçanërisht si mikpritës”, citohet të ketë thënë Buzz në një deklaratë për shtyp, “por unë jam rritur dhe do të isha i lumtur të ndaja shtëpinë time të familjes – madje edhe picën time – me ju këtë sezon festash. Vetëm provoni të mos e lini tarantulën time, Axl, të lirohet këtë herë”.
Kjo përvojë do të ofrojë “shumë nga picat më të mira të Çikagos” dhe “një darkë nën dritën e qirinjve me makarona dhe djathë Kraft në mikrovalë”, si dhe një takim dhe përshëndetje me një tarantula.
“Ne mund të jemi të gjithë më të rritur dhe më të mençur tani, por nuk jemi kurrë shumë të rritur për të bërë pushime”, vazhdon Buzz. “Pra, këtë vit, mos kaloni pushimet vetëm në shtëpi, [por] në shtëpinë e prindërve të mi”.
Airbnb është zotuar të bëjë një donacion për Spitalin e Fëmijëve La Rabida të Çikagos pas rezervimit të kësaj rezidece, e cila është e dedikuar për ruajtjen dhe përmirësimin e cilësisë së jetës së pacientëve të saj me kushte komplekse, paaftësi dhe sëmundje kronike./UBTNews/