Sot, kombëtarja shqiptare do të njohë kundërshtarët e kualifikueseve të Kupës së Botës 2026, që do të zhvillohet në SHBA, Kanada dhe Meksikë.
Në orën 12:00, drejtpërdrejt nga Nioni, do të hidhet shorti për këtë fazë paraprake të kompeticionit, ku marrin pjesë 55 skuadra të ndara në 5 vazo. Shqipëria bën pjesë në vazon e tretë.
Katër prej vazove përmbajnë nga 12 ekipe, ndërsa njëra vazo ka vetëm 6 skuadra. Kuqezinjtë, të udhëhequr nga trajneri Silvinjo, mund të përballen edhe me ekipe si Kosova apo Serbia, por do të jetë shorti ai që do të konfirmojë kundërshtarët.