Ministria e Shëndetësisë e Shqipërisë ka bërë të ditur bilancin e pandemisë në 24 orët e fundit.
Janë 5 viktimat e pandemisë në Shqipëri në 24 orët e fundit, ndërkohë që ka një rritje të lehtë të rasteve pozitivë, me 101 persona.
Gjithsesi të shëruarit janë më të shumtë se rastet e reja, 119 kundër 101, ndërkohë që në spitalet COVID 18 pacientë ndodhen në terapi intensive, nga të cilët 7 pacientë janë të intubuar.
Shpërndarja gjeografike e rasteve pozitive ditore është: 51 raste në Tiranë, 10 raste në Lezhë, 5 raste në Kamëz, 4 raste në Shkodër, 3 raste në Krujë, Durrës, Korçë, Kavajë, Gjirokastër, Vorë, 2 raste në Kurbin, Elbasan, Kukës, nga 1 rast në Has, Lushnje, Mirditë, Mat, Vau i Dejës, Gramsh, Shijak.
Në spitalin Infektiv dhe “Shefqet Ndroqi” po trajtohen 178 pacientë të konfirmuar pozitivë me COVID-19, 18 në terapi intensive nga të cilët vetëm 7 pacientë janë të intubuar.
Në dy spitalet COVID janë gjithashtu duke marrë shërbim të specializuar 45 qytetarë me infeksion.