Vullkani më i madh aktiv në botë, Mauna Loa i Hawaiit, ka shpërthyer për herë të parë pas gati 40 vjetësh.
Llava është lokalizuar në perimetrin e parashikuar, mirëpo banorët e zonave në afërsi janë paralajmëruar për rrezikun e hirit vullkanik.
Shërbimi Gjeologjik i Shteteve të Bashkuara të Amerikës (USGS) ka thënë se situata mund të ndryshojë shumë shpejt.
Sipas autoriteteve amerikane, Mauna Loa ka shpërthyer 33 herë prej vitit 1843.
Mauna Loa, e vendosur brenda Parkut Kombëtar të Vullkaneve të Hawaiit, mbulon gjysmën e ishullit të madh të shtetit amerikan./UBTNews/