Ndalimi do të zbatohet për vendet që nuk janë në rrezik të lartë për sëmundjen nëse qentë kanë qenë në vendet me rrezik të lartë gjatë gjashtë muajve të mëparshëm.
Agjencia e lartë shëndetësore në SHBA ka bërë të ditur se që nga 14 korriku ka pezulluar përkohësisht importin e qenve nga më shumë se 100 vende të klasifikuara si me rrezik të lartë për tërbimin, transmeton Anadolu Agency (AA).
Sipas Qendrave për Kontrollin dhe Parandalimin e Sëmundjeve (CDC), ndalimi do të zbatohet për vendet që nuk janë në rrezik të lartë për sëmundjen nëse qentë kanë qenë në vendet me rrezik të lartë gjatë gjashtë muajve të mëparshëm.
“Ky veprim i përkohshëm është i nevojshëm për të garantuar shëndetin dhe sigurinë e qenve të importuar në SHBA dhe për të mbrojtur shëndetin publik kundër rivendosjes së variantit të virusit të tërbimit të qenit (tërbimi i qenit) në SHBA”, theksoi CDC në një njoftim.
Vendet e përfshira janë Republika Dominikane, Kolumbia, Kuba, Kina, Rusia, Ukraina, Venezuela, Afganistani, India, Arabia Saudite dhe Filipinet.
Sipas vlerësimeve të CDC, 6 për qind e të gjithë qenve të importuar në SHBA vijnë nga vendet me rrezik të lartë për tërbimin e qenve.