Shtetet e Bashkuara akuzuan shtatë shtetas kinezë të enjten për pjesëmarrje në një fushatë të supozuar për të detyruar një banor amerikan të kthehej në Kinë si pjesë e një operacioni “riatdhesimi jashtëligjor ndërkombëtar” të drejtuar nga Pekini.
Departamenti i Drejtësisë tha se të pandehurit ishin të përfshirë në Operacionin e Fox Hunt të Pekinit, për të cilin autoritetet amerikane kanë thënë se përfshin “skuadra riatdhesimi” jashtëgjyqësore që tentojnë në mënyrë klandestine të detyrojnë emigrantët të kthehen në Kinë.
Pekini e ka mbrojtur operacionin si pjesë e një fushate kundër korrupsionit dhe tha se agjencitë e tij të zbatimit të ligjit ndjekin ligjet ndërkombëtare kur janë jashtë vendit.
Shtatë personat e akuzuar të enjten dyshohet se kanë survejuar dhe ngacmuar familjen e një shtetasi kinez “elitar” jashtë shtetit që ata e quanin John Doe-1 si pjesë e një fushate riatdhesimi të detyruar kundër tij.
“Shtetet e Bashkuara do të kundërshtojnë me vendosmëri shkelje të tilla skandaloze të sovranitetit kombëtar dhe do të ndjekin penalisht individët që veprojnë si agjentë të paligjshëm të shteteve të huaja”, tha avokati i Departamentit të Drejtësisë, Breon Peace në një deklarate./UBTNews/