Ish-presidenti i Francës Nicolas Sarkozy u shpall fajtor sot për financimin e paligjshëm të fushatës për zgjedhjet presidenciale 2012 dhe u dënua me një vit arrest shtëpiak.
Sarkozy nuk mori pjesë në dënimin e gjykatës në Paris. Gjykata e lejoi atë të vuante dënimin në shtëpi, me një byzylyk për mbikëqyrje elektronike.
Sarkozy ka mohuar në mënyrë të vendosur se fushata e tij zgjedhore në 2012 për një mandat të dytë ishte organizuar në një shkallë shumë më të madhe sesa fushata e tij e suksesshme presidenciale e vitit 2007, financimi i së cilës nuk është vënë në dyshim.
Pas disa skandaleve, ligji francez nga viti 1990 kufizoi rreptësisht shpenzimet për fushatat politike.
Gjyqi u zhvillua më pak se tre muaj pasi Sarkozy u dënua për korrupsion dhe tregti me ndikim në një rast tjetër. Ai apeloi vendimin.
Sarkozy u tërhoq nga politika aktive në vitin 2017 dhe ai ka ende shumë ndikim prapa skenave, veçanërisht brenda Partisë Republikane përpara zgjedhjeve presidenciale të vitit të ardhshëm.