Mesfushori Renato Sanches është duke u kërkuar nga shumë skuadra evropiane.
Paraqitjet e mira të Sanches në Kampionatin Evropian “Euro 2020” kanë bërë që ai të merr vëmendjen e shumë klubeve evropiane.
Sipas ‘Calcio Mercato’, agjenti i futbollistit Jorge Mendes ia ka ofruar klientin e tij klubit italian Juventus.
“Zonja e Vjetër” është poashtu në kërkim të një mesfushori, por prioritet i tyre mbetet Manuel Locatelli.
Lille u ka bërë të ditur skuadrave të interesuar për portugezin se po kërkon të paktën 35 milionë euro për ta lënë të lirë të largohet.
Interesim për 23-vjeçarin kanë shprehur Tottenham, Liverpool dhe Milan.