Sipas raporteve të shumta, Samsung duket se po ndjek hapat e Apple dhe po merr frymëzim nga seria e re e iPhone 17.
Në një imazh të publikuar së fundmi, i cili tregonte njësitë model të Galaxy S26, u vu re një opsion ngjyre shumë i njohur — një nuancë portokalli që ngjalli menjëherë krahasime me produktet e Apple.
Burime të ndryshme theksojnë se Samsung po përgatitet të sjellë disa ndryshime të dukshme në dizajn. Së pari, Galaxy S26 Ultra pritet të ketë skaje më të rrumbullakosura se paraardhësi i tij, Galaxy S25 Ultra.
Së dyti, Galaxy S26 Edge do të ketë një modul të ri të kamerës së pasme që, sipas rrjedhjeve, ngjan shumë me atë të iPhone 17 Pro.
Megjithatë, këto ndryshime nuk janë të mjaftueshme për të thënë se Samsung po “kopjon” Apple. Sa i përket versionit të shumëpërfolur portokalli, rezulton se ai nuk është i vërtetë.
Në faqen e tij në Weibo, burimi i njohur Ice Universe sqaroi se imazhi që qarkulloi ishte i manipuluar — dikush e kishte modifikuar për ta bërë të dukej sikur Galaxy S26 Ultra do të vinte edhe në ngjyrë portokalli. /A.Z/UBT News/