Ministri i Jashtëm rus, Sergei Lavrov, tha të martën se Moska ende nuk kishte marrë një shpjegim të duhur në lidhje me statusin e një turbine nga gazsjellësi Nord Stream 1 që është servisuar nga Siemens Energy në Kanada.
Më herët, zëdhënësi i Kremlinit, Dmitry Peskov, tha se turbina nuk ka mbërritur ende, por Moska shpresonte se ajo do të instalohej “më shpejt se sa vonë”.
Gjigandi rus i gazit, Gazprom, tha të hënën se kishte marrë dokumentacionin për turbinën, por disa çështje dhe rreziqe mbetën.
Rusia fajësoi vonesën për turbinën kur ajo uli rrjedhat e gazit përmes Nord Stream 1 në Gjermani në 40% të kapacitetit në qershor.
Të hënën Gapzrom tha se flukset do të përgjysmohen përsëri nga e mërkura, në vetëm 20%, sepse një tjetër turbinë duhej të ndalohej.