Presidenti rus Vladimir Putin i ka ofruar ndihmë qeverisë së Sirisë dhe Turqisë.
Rusia, e cila është aleate e ngushtë me presidentin sirian Bashar al-Assad, mban një prani të konsiderueshme ushtarake në atë vend dhe ndihmon në luftimet e vazhdueshme kundër grupeve opozitare. Putin ka gjithashtu një raport të fortë me presidentin Tajip Erdogan të Turqisë, një anëtar i NATO-s, i cili megjithatë ka kërkuar të ndërmjetësojë në konfliktin midis Rusisë dhe Ukrainës.
“Ju lutemi pranoni ngushëllimet e mia të thella për viktimat e shumta njerëzore dhe shkatërrimet në shkallë të gjerë të shkaktuar nga një tërmet i fuqishëm në vendin tuaj”, tha Putin në mesazhin e tij drejtuar Erdoganit të hënën.
Më vete, Putin i tha Asadit se Rusia ndante “trishtimin dhe dhimbjen e atyre që humbën të dashurit e tyre” dhe tha se Rusia ishte e gatshme të ofronte ndihmë./UBTNews/