Justifikimi i Rusisë për ndërprerjen e fluksit të gazit përmes Nord Stream 1 është një pretekst për të mbjellë pasiguri dhe për të rritur çmimet, tha ministri i Ekonomisë dhe Energjisë, Robert Habeck, pasi Gazprom tha se po reduktonte më tej kapacitetin e tubacionit.
“Aktualisht mund të blejmë sasitë e nevojshme nga tregu, ndonëse me çmime më të larta. Sigurisht që do të marrim masa në nivel shtetëror nëse është e nevojshme”, tha Habeck, në një deklaratë të mërkurën, duke shtuar se furnizimi ishte i sigurt, por kursimi i energjisë ishte rend i orës. /UBTNews/