GjiganTi energjetik rus Gazprom do të pezullojë përkohësisht rrjedhën e gazit përmes tubacionit Power of Siberia që transporton gazin rus në Kinë për shkak të “punës së planifikuar të mirëmbajtjes”, njoftoi sot Gazprom.
Dorëzimi përmes gazsjellësit do të ndalet për tetë ditë nga data 22 shtator deri më 29 shtator.
“Në përputhje me Marrëveshjen e Blerjes dhe Shitjes së Gazit për Rrugën Lindore midis Gazprom dhe kompanisë kineze CNPC, mirëmbajtja parandaluese e pajisjeve dhe sistemeve të gazsjellësit Power of Siberia kryhet dy herë në vit: në pranverë dhe në vjeshtë“, shpjegoi Gazprom.
Gazprom filloi furnizimin me gaz në Kinë përmes tubacionit të gazit Power of Siberia në vitin 2019 si pjesë e një kontrate 30-vjeçare. /UBTNews/