Rusia dhe Bjellorusia nuk do të marrin një ftesë zyrtare për Lojërat Olimpike të Parisit 2024, kur më shumë se 200 ekipe kombëtare marrin ftesat e tyre tradicionale më vonë këtë muaj, ka thënë Komiteti Olimpik Ndërkombëtar (IOC).
Është një traditë e IOC-së pikërisht një vit përpara se të hapen Lojërat Verore ose Dimërore për të ftuar të gjitha ekipet kombëtare në mbarë botën në këtë ngjarje.
Ndonëse ka ndryshuar protokolli, disa atletë rusë dhe bjellorusë mund të konkurrojnë ende në Paris – pavarësisht luftës së vendeve të tyre kundër Ukrainës – pa u ftuar ekipet e tyre kombëtare.
IOC tha sot se 203 Komiteteve Olimpike Kombëtare (NOC) do tu dërgohen ftesat e tyre në Paris më 26 korrik.
“Për arsyet e dhëna, kjo do të përjashtojë Rusinë dhe Bjellorusinë, plus NOC-në e Guatemalës, e cila aktualisht është pezulluar”, tha organi Olimpik në një deklaratë./UBTNews/