Petro Andryshchenko, një këshilltar i kryebashkiakut të Mariupolit, ka pohuar se pushtuesit rusë do të fillojnë së shpejti shkatërrimin e një lagjeje në qytetin jugor për t’i hapur rrugë “apartamenteve luksoze”.
Mariupol ishte nën sulm për muaj të tërë, me mbrojtësit ukrainas që qëndruan në fabrikën e çelikut Azov, ndërsa pjesa tjetër e qytetit u shkatërrua kryesisht nga granatimet. Ata u dorëzuan përfundimisht, duke e lënë qytetin në duart e pushtuesve rusë.
Mariupol dikur ishte shtëpia e 450,000 njerëzve, përcjell UBT News.
“Në pranverë, zhvilluesit e Moskës pranë qeverisë federale të Rusisë do të fillojnë ndërtimin e apartamenteve të klasës ‘elitare ekonomike’ nën programin e hipotekave të pasurive të paluajtshme në Mariupol”, tha Andryshchenko.
Ai pohoi se shumë njerëz do të humbasin shtëpitë e tyre si rezultat i kësaj.
“Po njerëzit?” tha ai. “Dhe njerëzit [u larguan] në rrugë për të kërkuar një jetë të re pa një shans për një të ardhme”./UBTNews/