Festivali “Nona” në Përmet, një ngjarje e shumëpritur që rrëfen kulturën dhe trashëgiminë e gjysheve shqiptare, do të zhvillohet nga 9 deri më 11 gusht në këtë qytet të bukur të jugut të Shqipërisë. Kryeministri Edi Rama shpalli sot lajmin për këtë festë të veçantë, duke theksuar rëndësinë e saj në promovimin e traditave dhe kulturës shqiptare.
“Festivali ‘Nona’ në Përmet është një festë e gjysheve shqiptare, ku do të mblidhen gjyshet e ëmbla nga e gjithë vendi”, tha Rama në një video shpërndarë për mediat. Ky festival synon të promovojë kulturën artizane dhe gatimet tradicionale të pasura që karakterizojnë aftësitë e pasuruar nga gjyshet shqiptare.
Qyteti i Përmetit, i njohur si “qyteti i luleve”, do të jetë vendi ku do të zhvillohet kjo festë e veçantë. Panairi i kulinarisë do të ofrojë shije autentike të gatimeve tradicionale, ndërsa muzika me DJ në mbrëmje do të mbushë sheshin kryesor të qytetit me atmosferën e festës dhe këngët tradicionale.
Festivali “Nona” është një rast i shkëlqyer për të promovuar turizmin kulturor dhe për të rikthyer vëmendjen te traditat dhe artizanatet e trashëguara, që e bëjnë Shqipërinë një destinacion tërheqës për turistët vendas dhe të huaj. Me shpresën për një sukses të madh, organizatorët presin një numër të madh vizitorësh të interesuar për të eksploruar dhe përjetuar pasurinë e kulturës popullore shqiptare në këtë festival të veçantë./UBTNews/
