Sulmuesi i Kombëtares së Kosovës, Albion Rrahmani ka kërkuar që ta ketë mundësinë për t’u dëshmuar edhe në radhët e “Dardanëve” në ndeshjet e Ligës së Kombeve. Ai ka thënë se momentin e mirë nëpër të cilin po kalon dëshiron ta vazhdojë edhe me Kosovën.
“Jemi duke punuar jashtëzakonisht mirë i gjithë grupi, jemi të fokusuar 100 përqind për ndeshjen e parë hapëse të këtyre grupeve dhe jemi të gatshëm ta bëjmë 100 përqindëshin dhe të marrim tri pikët e para në këtë grup. Po shpresoj që të më jepet mundësia. Do të bëjë maksimumin që ta tregoj veten, ja në një moment shumë të mirë dhe shpresoj ta kem atë moment edhe në kombëtaren tonë”, ka thënë Rrahmani për faqen zyrtare të FFK-së.
Kosova përballet me Rumaninë të premten në stadiumin “Fadil Vokrri” në Prishtinë.