Sulmuesi i Manchester United, Cristiano Ronaldo, thotë se ndihet i “tradhtuar” nga klubi, nuk e respekton menaxherin Erik ten Hag dhe po detyrohet të largohet.
Ronaldo iu bashkua Unitedit nga Juventusi për një periudhë të dytë në Old Trafford në gusht të vitit 2021 në një marrëveshje dyvjeçare, duke u rikthyer në klubin ku fitoi tetë trofe të mëdhenj gjatë viteve 2003-2009.
Në një intervistë me Piers Morgan për TalkTV, të publikuar të dielën, Ronaldo u pyet nëse hierarkia e United po përpiqej ta largonte atë nga klubi.
“Po, jo vetëm trajneri (Ten Hag), por dy ose tre djem të tjerë rreth klubit. U ndjeva i tradhtuar. Po, ndihem i tradhtuar dhe ndjeva se disa njerëz nuk më duan këtu, jo vetëm këtë vit, por edhe vitin e kaluar”, tha ai./UBTNews/