Topi humbi kontrollin dhe goditi rojen e sigurisë që ishte pranë fushës. Ronaldo menjëherë iu afrua asaj, duke dashur të kontrollonte nëse gjithçka ishte në rregull, dhe i dha asaj fanellën pas lojës.
Futbollisti i klubit anglez Manchester United, Cristiano Ronaldo, i dhuroi fanellën e tij rojes së sigurisë, e cila u godit aksidentalisht nga një top gjatë nxehjes para ndeshjes së mbrëmshme të Ligës së Kampionëve të UEFA-së, ku më pas i ra të fikët, transmeton Anadolu Agency (AA).
Sezoni i ri i Ligës së Kampionëve të UEFA-së filloi me ndeshjet e mbrëmshme mes Sevilla-Salzburg dhe Young Boys-Manchester United.
“Djajtë e Kuq” u mundën nga Young Boys me rezultat 2:1 pasi pësuan një gol në minutat shtesë, por ndeshja mes dy klubeve u shënua nga një situatë e pazakontë para fillimit të ndeshjes, pra gjatë nxehjes së lojtarëve.
Pas një goditjeje të Ronaldos, topi humbi kontrollin dhe goditi rojen e sigurisë që ishte pranë fushës. Ronaldo menjëherë iu afrua asaj duke dashur të sigurohej që gjithçka ishte në rregull. Roja e sigurisë humbi vetëdijen për një kohë të shkurtër, por për fat nuk pati pasoja të mëdha.
Pas lojës, Ronaldo iu afrua sërish rojes së sigurisë, i kërkoi falje edhe një herë dhe i dha asaj fanellën e tij. Ajo më vonë pozoi një fotografi me fanellën e tij dhe e ndau postimin në mediat sociale.