Pas përfundimit të stinorit dimëror sot rikthehet Viva Fresh Liga e Parë, ku përballja hapëse e stinorit pranveror është ndeshja mes Trepçës dhe Trepçës ’89 të grupit A.
Dy ekipe të të njëjtit qytet, Mitrovicës do të përballen sot në stadiumin “Riza Lushta” me fillim nga ora 13:00.
Trepça ’89 e mbylli stinorin dimëror me humbje, por ajo nuk ndikoi në rënien nga pozita e parë në tabelë kurse Trepça e përfundoi me fitore duke u ngritur në pozitën e dytë në tabelë, pesë pikë larg kreut. Në vikend do të vazhdojnë ndeshjet tjera të grupit A dhe B.
Liga e Parë nuk ka qenë asnjëherë më interesante se tani, pasi në të janë disa klube me traditë dhe peshë të madhe në historinë e futbollit tonë./UBTNews