Nicolò Zaniolo ka njoftuar se ka rezultuar pozitiv me Covid-19. Lojtari i Romës dhe Italisë nuk mund të luajë deri në mars për shkak të një dëmtimi në gju, por ka qenë duke u stërvitur në “Trigoria” gjatë javëve të fundit.
Lojtari njoftoi sot në “Instagram” se ai doli pozitiv me COVID-19.
“Përshëndetje të gjithëve, për fat të keq unë kam testuar pozitiv me Covid-19 pas testeve që iu nënshtrova këtë mëngjes. Ndihem mirë, nuk kam asnjë simptomë, por sigurisht që kam filluar karantinën. Shpresoj se mund të kthehem në “Trigoria” sa më shpejt të jetë e mundur, ndërkohë do të mbështes shokët e mi nga shtëpia”, ka sqaruar Zaniolo.