JayDaYoungan u qëllua për vdekje të mërkurën mbrëma, konfirmoi Policia e Bogalusas rreth orës 23:00. Ndërsa disa media raportuan vdekjen e tij disa minuta pas lajmit për të shtënat që shkaktuan bujë në mediat sociale, konfirmimi zyrtar erdhi shumë më vonë.
“Tani mund të identifikojmë viktimat si Javorius Scott, A.K.A. JayDaYoungan dhe anëtarin e ngushtë të familjes Kenyatta Scott Sr. Ne gjithashtu mund të konfirmojmë se Javorius Scott ka vdekur si pasojë e plagëve të tij”, thuhej në deklaratën e policisë.
Motra e JayDaYoungan, Kenya Janell gjithashtu konfirmoi vdekjen e tij pasi fillimisht mohoi raportet.
JayDaYoungan, emri i vërtetë i të cilit është Javorius Tykies Scott, ishte kryesisht i njohur në SoundCloud. Disa nga këngët e tij kishin më shumë se 50 milion transmetime që nga nëntori 2020./UBTNews/