Jennifer Siebel Newsom, një regjisore e vlerësuar me çmime dhe gruaja e guvernatorit të Kalifornisë, Gavin Newsom, do të dëshmojë në procesin gjyqësor ndaj ish-producentit Harvey Weinstein në Los Angeles, thanë avokatët e saj për CNN të hënën. Weinstein akuzohet për sulm seksual dhe përdhunim.
“Si shumë gra të tjera, klientja ime u sulmua seksualisht nga Harvey Weinstein në një takim biznesi të supozuar që doli të ishte kurth”, tha Beth Fegan, një nga avokatet e Newsom.
Avokatja e regjisores tha se klientja e saj do të dëshmojë në procesin gjyqësor ndaj tij për të kërkuar drejtësi për të mbijetuarat si dhe për të përmirësuar jetën e grave.
Weinstein, 70 vjeç, do të dalë sërish në gjyq, më shumë se dy vjet pasi u dënua për akte seksuale kriminale të shkallës së parë dhe akuza për përdhunim të shkallës së tretë në New York dhe u dënua me 23 vjet burg.
Pasi u shpall fajtor në New York, ish-producenti u transferua në Los Angeles, ku po vuan dënimin me burg./UBTNews/