Një regjisor iranian dhe producenti i tij raportohet se po përballen me burgim dhe iu ndalua realizimi i filmave pasi shfaqën një film në Festivalin e Kanës pa lejen e shtetit, duke tërhequr kritika të menjëhershme ndërkombëtarisht nga regjisori kryesor amerikan, Martin Scorsese dhe regjisorë të tjerë.
Vitin e kaluar, regjisori Saeed Roustayi dhe producenti Javad Norouzbeigi udhëtuan drejt Kanës për ta shfaqur filmin “Leila’s Brothers”, duke konkurruar për çmimin e madh të Palmës së Artë të festivalit.
Filmi fokusohet në një familje që lufton për të përballuar jetesën derisa Irani po përballet me sanksione ndërkombëtare. Filmi ka sekuenca që shfaqin protesta në Republikën Islamike.
Në film shfaqen edhe forcat e sigurisë duke rrahur protestuesit që janë mbledhur kundër ekonomisë së Iranit./UBTNews/