Real Madridi do të fillojë mbrojtjen e titullit të ligës spanjolle në ndeshjen kundër Almerias më 14 gusht dhe Barcelona do të presë Rayo Vallecanon në të njëjtën fundjavë, tha LaLiga të enjten.
Me Kupën e Botës në Katar që është planifikuar të luhet për herë të parë në mesin e sezonit të brendshëm evropian, fushata e La Ligas nuk do të përfundojë deri në qershorin e ardhshëm.
Kupa e Botës pritet të fillojë më 21 nëntor dhe LaLiga do të rifillojë më 31 dhjetor, dy javë pas finales.
Ndeshjet “El Clasico” mes Real Madridit dhe Barcelonës do të zhvillohen gjatë fundjavës së 16 tetorit në Santiago Bernabeu dhe fundjavës së 19 Marsit në Camp Nou.
Superkupa e Spanjës në Arabinë Saudite do të zhvillohet nga data 11 deri në 15 janar dhe finalja e Kupës së Mbretit do të zhvillohet më 6 maj. /UBTNews/