Noureddine Milani, profesor i komunikimit në Qendrën Kërkimore të Universitetit Hamad Bin Khalifa të Katarit për Legjislacionin dhe Etikën Islame, thotë se raporti i HRW që dokumenton censurimin e Meta-s ndaj përmbajtjeve të lidhura me palestinezët në mediat sociale është alarmues, por jo befasues.
“Ky është kulmi i presionit sistematik nga e gjithë bota, veçanërisht nga krijuesit e politikave në Perëndim, së bashku me qeverinë izraelite mbi platformat e mediave sociale”, tha Milani për Al Jazeera. “Kjo është një mënyrë tjetër për t’iu nënshtruar presionit nga qeveria izraelite”.
HRW shqyrtoi 1050 raste të censurës në internet nga më shumë se 60 vende, shumica e tyre me postime paqësore pro-palestineze.
Një kontroll i tillë “i paprecedentë” mbi përmbajtjen, tha Milani, do të ndikojë gjithashtu keq në imazhin e kompanisë, si dhe atë të platformave të tjera të mediave sociale.
“Kjo dërgon një alarm të madh”, tha ai./UBTNews/