Kryetari i Prishtinës, Përparim Rama, sot ka bërë thirrje që të festohet me kujdes.
Ai ka potencuar se siguria e qytetarëve është prioritet i tyre.
“Kemi marrë vendim për ndalimin e përdorimit të produkteve piroteknike në vendet e hapura publike – përkatësisht në tregje, rrugë të frekuentuara nga qytetarët dhe në sheshe”, ka shkruar Rama në Facebook.
Komuna e Prishtinës ka ndaluar përdorimin e mjeteve piroteknike në hapësira publike. Sipas njoftimit, përdorimi i mjeteve piroteknike është ndaluar nga 25 dhjetori 2022 deri më 3 janar 2023. Përdorimin e mjeteve prioteknike e kanë ndaluar edhe komuna e Podujevës, Ferizajt.