Rajoni i Odessa-s në Ukrainën jugore është goditur nga një sulm me raketa që shkaktoi gjashtë viktima, përfshirë një fëmijë, tha të hënën komanda jugore e ushtrisë ukrainase.
Komanda tha se një raketë u shkrep nga një bombardues strategjik i tipit rus Tu-22. Nuk ishte e qartë nëse autoritetet po raportonin të plagosur apo të vdekur.
“Sulmi në një zonë të banuar të vendbanimeve civile shkatërroi disa ndërtesa banimi dhe fermash mbi rreth 500 metra katrorë”, tha komanda.
Zjarrfikësit janë ende duke luftuar me flakët.
Ukraina raportoi një rritje të sulmeve me raketa ruse në të gjithë vendin gjatë fundjavës, me një numër rajonesh të goditura shumë prapa vijës së frontit – nga rajoni perëndimor ukrainas i Lviv deri te Khmelnytskyi, Zhytomyr, Chernihiv dhe Kiev.
Në jug të vendit, Mykolaiv dhe Odessa ishin në mesin e zonave të goditura.
Presidenti ukrainas, Volodymyr Zelensky, do t’i drejtohet më vonë një mbledhjeje të liderëve botërorë të G7-s, përmes lidhjes video. /UBTNews/