Më shumë se 100 000 persona janë në pritje për më shumë se tre muaj që kërkesat e tyre për të ashtuquajturin Program Lejeqëndrimi për qytetarët e BE-së të shqyrtohen, sipas shifrave zyrtare të marra nga një OJQ.
”Rreth 102 000 shtetas të BE-së dhe anëtarët e familjeve të tyre, përfshirë 23 900 fëmijë, kishin kërkesa që rrinin në pritje për t’u shqyrtuar prej një kohë prej më shumë se tre muaj, saktësisht që nga 7 maji”, tha OJQ-ja IPPR.
Aplikimet për 13 000 persona, përfshirë 650 fëmijë, janë në pritje që prej të paktën gjashtë muaj, ndërsa për 8 000 të tjerë, përfshirë 285 fëmijë, që prej të paktën një viti.
Por, sipas SkyNews, ka edhe raste të tilla ai ai i një qytetareje gjermane, e cila jeton prej 40 vitesh në Britaninë e Madhe, dhe akoma nuk ka marrë lejeqëndrimin pasi pasaporta e saj ka skaduar.
”Jam në gjendje stresi dhe paniku pikërisht për këtë”, deklaroi ajo për SkyNews.
”Ka një stuhi aplikimesh përpara afatit të fundit që është data 30 qershor që ka çuar në një numër të madh të kërkesave për lejeqëndrim”, tha IPPR-ja.
Qeveria britanike është zotuar se kushdo që aplikon brenda afatit do të ketë të drejtat e tij, në varësi të vendimit dhe të çdo apelimi.
Zakonisht duhen rreth pesë ditë pune që të përpunohen aplikacionet e plota, por mund të zgjasë më shumë se një muaj nëse nevojiten më shumë informacione dhe Ministria e Brendshme britanike nuk është zotuar të kompletojë të gjitha aplikacionet deri më 30 qershor.
Kushdo që mund të tregojë ”arsye të besueshme” për humbjen e afatit mund të aplikojë, por nëse ata nuk aplikojnë deri më 30 qershor dhe nuk kanë leje tjetër të vlefshme për të qëndruar, ata do të konsiderohen të paligjshëm në BM.
Aplikantët e vonuar mund të përballen me muaj pritjeje që kërkesat e tyre të përpunohen ndërsa nuk janë në gjendje të fillojnë një punë të re, të lidhin një marrëveshje të re qiraje, të marrin një patentë shoferi ose të bëjnë një kërkesë të re përfitimesh sociale.
IPPR po bën thirrje që aplikantët e EUSS të cilët janë duke pritur për aprovimin e aplikimit të tyre, përfshirë aplikantët e vonë, të kenë të drejtat e tyre të mbrojtura plotësisht.
Marley Morris, drejtor i asociuar i IPPR, deklaroi se “ndërsa afati i fundit për Programin e Lejeqëndrimit shkon drejt mbylljes, ekziston rreziku që shumë qytetarë të BE-së të mbeten pa status”.
”Kjo mund të ketë pasoja katastrofike për të drejtën e tyre për të shërbimet e punës, qirasë dhe aksesit”, theksoi ai.
“Ne i mirëpresim përpjekjet e qeverisë për të futur modifikimet e reja të minutës së fundit, por fatkeqësisht ka ende boshllëqe serioze. Qeveria duhet të veprojë tani për të mbrojtur të drejtat e njerëzve që bëjnë aplikime të vonuara, të trajtojë rrezikun e diskriminimit nga punëdhënësit dhe pronarët dhe të mbështesë ata me statusin e paracaktuar për t’u transferuar lehtësisht në statusin e tyre”, tha Morris./