Tanzania tha se do të kujdeset për qindra turistë ukrainas të bllokuar në Zanzibar pasi Ukraina mbylli hapësirën e saj ajrore për fluturimet civile pas pushtimit të Rusisë, përcjell UBT News.
Gati 1,000 turistë nga Ukraina po qëndronin në hotele të ndryshme, tha të hënën Ministrja e Turizmit e Zanzibarit, Lela Mohammed Mussa.
“Gjëja e parë që bëmë është të sigurojmë që ata të qëndrojnë aty ku janë edhe nëse koha e tyre për të shkuar kishte ardhur”, tha Mussa.
I famshëm për plazhet e tij me rërë të bardhë dhe plantacionet e erëzave, Zanzibari mbështetet shumë në turizëm dhe para pandemisë Covid mirëpriti rreth gjysmë milioni vizitorë në vit.
Rusia nisi një pushtim në shkallë të plotë të fqinjit të saj, Ukrainës, duke vrarë qindra njerëz ndërsa sulmet ajrore goditën instalimet ushtarake dhe forcat tokësore sulmuan nga veriu, jugu dhe lindja.
Ukraina u përgjigj duke mbyllur hapësirën e saj ajrore për fluturimet civile, duke përmendur një “rrezik të lartë për sigurinë”.
Sipas Mussas, ata do të kujdesen për turistët që t’u jepen të gjitha shërbimet.
“Ajo që po ndodh në Ukrainë po i bën ata jashtëzakonisht të pakënaqur” i tha AFP-së, Yulia Baystrukova, e cila drejton Resortin Zanzi./UBTNews/