Rreth 1000 emigrantë janë përpjekur pa sukses të kapërcejnë gardhet që ndajnë enklavën spanjolle të Melillas nga Maroku.
Përfaqësuesi i qeverisë spanjolle në Melilla tha se rojet kufitare marokene zmbrapsën tentativën për kalim gjatë së martës. Rojet kufitare spanjolle mbetën të pozicionuar në anën e kufirit të Bashkimit Evropian, shtuan autoritetet.
Emigrantët u përpoqën të kalonin kufirin rreth orës 6 të mëngjesit me kohën lokale “të koordinuar dhe të organizuar në mënyrë të përkryer, përpara se të ndaheshin në disa nëngrupe”, tha prefektura e Melillas në një deklaratë.
Përpjekja e dështuar erdhi më pak se një javë pasi 3,700 njerëz u përpoqën të hynin në qytet javën e kaluar në dy incidente të veçanta.
Një total prej 491 emigrantësh arritën të ngjiteshin në dy gardhe 6 metra të larta përpara se 380 të tjerë të arrinin në Melilla një ditë më vonë. Vetëm 1092 migrantë kishin arritur të hynin në Melilla gjatë gjithë vitit 2021.
Njerëzit që ikin nga dhuna ose varfëria në Afrikën Sub-Sahariane nganjëherë përdorin inkursione masive kufitare për t’u përpjekur të arrijnë në dy enklava spanjolle në Afrikën veriore, Ceuta dhe Melilla, përpara se të vazhdojnë në Evropën kontinentale.
Përpjekjet për kalime përfshijnë përleshje të dhunshme midis emigrantëve dhe rojeve kufitare./UBTNews/