Presidenti rus Vladimir Putin tha të hënën se ushtria ruse aktualisht po kryen stërvitje ushtarake në territorin e Bjellorusisë, si pjesë e përpjekjeve për të mbrojtur “sigurinë e vendeve tona”.
Duke folur së bashku me presidentin e Bjellorusisë, Aleksandër Lukashenko në Minsk, Putin tha se Rusia dhe Bjellorusia do të vazhdojnë të bashkëpunojnë ngushtë në sferën ushtarake dhe të shkëmbejnë dhe zhvillojnë pajisje dhe armë ushtarake.
Putin tha se “masa të tilla janë të nevojshme” për shkak të situatës së tensionuar “në kufijtë e jashtëm të shtetit të Bashkimit [të Rusisë dhe Bjellorusisë]”.
Megjithatë, të dy udhëheqësit shmangën përmendjen e Ukrainës në deklaratat e tyre publike.
Në një fjalim të shkurtër, Putin tha se Bjellorusia ishte aleati më i afërt i Rusisë. Ai priste që tregtia mes dy vendeve të arrinte një rekord këtë vit, në ekuivalentin e 40 miliardë dollarëve.
Lukashenko tha se pavarësisht nga “disa teheve të ashpra” Bjellorusia dhe Rusia, gjejnë përgjigje për të gjitha kërcënimet; dhe shprehu shpresën se Perëndimi do të “dëgjojë zërin e arsyes” në mënyrë që një dialog për sigurinë të mund të rifillojë./UBTNews/