Paris Saint-Germain ka dënuar abuzimin e drejtuar në drejtim të Lionel Messit dhe Neymarit nga një grup i zemëruar i tifozëve.
Një grup i tifozëve të njohur si SG Ultras, u mblodhën jashtë selisë së klubit të mërkurën për të shprehur ankesat e tyre. Ata janë shprehur të zhgënjyer kur kuptuan se Messi nuk do të zgjasë kontratën e tij me thirrjet “Messi, bir k****”.
Sulmuesi brazilian Neymar ishte gjithashtu në qendër të kritikave për shkak të formës së dobët, derisa ai tani po rikuperohet nga lëndimi i tij.
PSG u është përgjigjur atyre që shprehën zemërimin e tyre në rrugë jashtë zyreve të ekipit në kryeqytetin francez, përmes një deklarate të lëshuar në faqen zyrtare të klubit:
“Paris Saint-Germain dënon ashpër veprimet e patolerueshme dhe fyese të një grupi të vogël individësh të ndodhura të mërkurën. Sido që të jenë dallimet e mendimeve, asgjë nuk justifikon veprime të tilla. Klubi jep mbështetjen e tij të plotë për lojtarët e tij, stafin dhe të gjithë ata që janë në shënjestër nga një sjellje e tillë e turpshme”, thuhet në reagimin e PSG-së.
Tifozët e PSG-së kanë shprehur gjithashtu zhgënjimin e tyre ndaj kryetarit të klubit Nasser Al-Khelaifi, me gjigantët e Ligue 1 në rrugën e duhur për të mbrojtur titullin në sezonin 2022-2023, por lavdia e Ligës së Kampionëve është dëshmuar edhe një herë e pakapshme, pavarësisht investimeve të konsiderueshme në lojtarë.