Anëtarët e bordit të Juventus F.C. dhanë të gjithë dorëheqjen të hënën. Lista e atyre që dhanë dorëheqjen përfshin presidentin Andrea Agnelli dhe nënpresidentin, Pavel Nedved.
Dorëheqja është në sfondin e një hetimi njëvjeçar në Torino, ku janë duke u shqyrtuar akuzat për “kontabilitet të rremë dhe parregullsi”, siç raporton Sportstar.
Hetimi thuhet se filloi pasi gjigantët e Serisë A njoftuan uljen e pagave për lojtarët gjatë periudhës së koronës me konsensusin e tyre. Prokuroria ka pretenduar se ndërsa lojëtarëve iu kërkua të hiqnin dorë nga 4 muaj pagesë, ata duhej të hiqnin dorë nga më pak se kaq, me Juventusin që paguante pjesën tjetër në të zezë dhe fitonte përmes transaksioneve.
CONSOB, autoriteti qeveritar për rregullimin e tregut italian të letrave me vlerë, i kërkoi klubit detaje mbi llogaritë dhe kjo besohet gjerësisht se ka shkaktuar dorëheqjet masive kohët e fundit. Gjetjet e prokurorisë thuhet se do t’i jepen FIGC-së (federatës italiane të futbollit) e cila më pas mund të ndërmarrë veprimet e duhura duke përfshirë ndalimin e një klubi, në varësi të natyrës dhe madhësisë së veprës penale.
Sipas një deklarate zyrtare nga Juventus të hënën, bordi i drejtorëve dha dorëheqjen“duke marrë parasysh qendrën dhe rëndësinë e çështjeve ligjore dhe kontabilitetit në pritje”.
Andrea Agnelli, i cili kishte qenë president i klubit për 12 vjet, ka dhënë dorëheqjen. Ish-lojtari dhe zëvendëspresidenti Pavel Nedved gjithashtu ka dhënë dorëheqjen pas një mandati prej 7 vitesh në këtë post. Maurizio Scanavino ka marrë drejtimin e përgjithshëm të skuadrës.
Drejtori menaxhues Maurizio Arrivabene, i cili erdhi në klub pasi ishte me ekipin e Formula 1 Scuderia Ferrari, do të vazhdojë të jetë në post për një periudhë të përkohshme./UBTNews/