Danimarka siguroi kualifikimin direkt në fazën me eliminim të Euro 2024 pas barazimit 0-0 ndaj ekipit tjetër, ndërsa Sllovenia barazoi gjithashtu 0-0 ndaj Anglisë në Koln. Këto rezultate e bënë Danimarkën të përfundojë mbi Slloveninë në renditje, edhe pse të dyja ekipet përfunduan me tri pikë pas tri ndeshjeve.
Barazimi i Anglisë i dha atyre pesë pikë, duke i bërë lider të grupit, me Danimarkën në vendin e dytë dhe Slloveninë të tretën. Danimarka dhe Sllovenia kishin po ashtu goldallimin dhe numrin e njëjtë të golave të pësuar (dy) – metrikat kryesore të UEFA-s për të përcaktuar renditjen. Edhe numri i kartonëve të verdhë ishte i njëjtë për të dyja ekipet (gjashtë kartonë).
Sipas gazetarit Will Jeanes, Danimarka përfundoi e dyta për shkak të pozitës më të lartë në renditjen e kualifikueseve për Kampionatin Evropian. Edhe pse Danimarka dhe Sllovenia kishin përfunduar grupin kualifikues me nga 22 pikë dhe rekorde të ngjashme të golave, Danimarka kishte një avantazh në ndeshjet kokë më kokë. Danimarka kishte marrë katër pikë nga dy ndeshjet me Slloveninë, duke fituar njërën 2-1, ndërsa Sllovenia kishte marrë vetëm një pikë.
Nëse këto skuadra do të kishin luajtur me njëra-tjetrën në xhiron e fundit të grupeve në Euro 2024 dhe do të kishin barazuar, atëherë do të shkonin në penallti./UBTNews/
