Propozimet e PDK-së për Rimëkëmbjen Ekonomike

Ushtruesi i detyrës së kryetarit të Partisë Demokratike të Kosovës, Enver Hoxhaj në një konferencë për media ka njoftuar se do të thërrasin seancë të jashtëzakonshme këtë javë, për t’i kaluar katër amandamentet e tyre të propozuara të Projektligjit për Rimëkëmbjen Ekonomike.

Katër propozimet e PDK-së janë:

Pakoja totale që do të arrijë mbi 400 milionë euro;

Pagë prej 300 euro për ata që kanë humbur vendet e punës;

Heqje e TVSH-së për lëndën e parë;

Shteti të bëjë rimbursimin e mjeteve prej 10% nga Trusti, për qytetarët që i kanë deri në 10 mijë euro kursime.

Hoxhaj konfirmoi se Partia Demokratike e Kosovës do të votojë pro Projektligjit për Rimëkëmbjen Ekonomike./UBTNews