Priyanka Chopra Jonas thotë se e la Bollywood-in pas për t’i dhënë një mundësi Hollywood-it, sepse ajo ndjeu sikur po “shtyhej në një cep të industrisë”.
Në podcast-in “Armchair Expert”, Chopra Jonas tha se atje kishte njerëz që nuk e merrnin në role dhe se kishte mosmarrëveshje me njerëzit në Bollywood. Ajo shtoi se nuk e kishte thënë kurrë këtë më parë.
Ylli pati një karrierë të suksesshme si aktore në Indi përpara se të shkonte në SHBA, por pranoi se, në atë kohë, ajo ishte “e lodhur nga politika”.
“Më duhej vetëm një pushim”, tha ajo.
Ajo shkëputje nga aktrimi në Indi erdhi kur asaj iu dha një mundësi për të udhëtuar në Amerikë dhe për të punuar në industrinë e muzikës, gjë që përfundimisht bëri që Chopra Jonas të nënshkruante një marrëveshje me Interscope Records si këngëtare në fillim të viteve 2010.
“Kur erdhi kjo gjë, unë thash e di çfarë? Unë do të shkoj në Amerikë”, tha ajo.
Pasi punoi me artistë si Pitbull dhe Will.i.Am, Chopra Jonas tha se e kuptoi se ishte më e përshtatshme për të qenë aktore. Ajo filloi të ndiqte role në Hollywood, sepse ndjeu se “gjithsesi po kishte probleme në shtëpi, vetëm duke u marrë në llojin e filmave që unë doja të luaja”.
Pas një takimi të mrekullueshëm me një drejtues të kastingut të ABC, ajo e gjeti veten në audicion për shfaqjen “Quantico”.
“Ai audicion në atë fazë të jetës sime më përcaktoi vërtet mua”, tha ajo.
Ajo ka luajtur në filma të mëdhenj si “Baywatch”, “The Matrix Resurrections”, filmi i ardhshëm romantik “Love Again” dhe serialin “Citadel”, i cili do të dalë më 28 prill./UBTNews/