Princi Harry thuhet se mësoi për vdekjen e gjyshes së tij, Mbretëreshës Elizabeth II, vetëm pesë minuta para njoftimit zyrtar të pallatit.
Duka i Sussex mori një telefonatë nga babai i tij, Mbreti Charles III, ndërsa ai ishte në ajër më 8 shtator, pak para se të zbarkonte në Aberdeen, Skoci, 50 milje larg nga Kalaja Balmoral, ku vdiq Mbretëresha 96-vjeçare, raportoi të dielën The Telegraph.
Në kohën kur avioni i tij u ul, një deklaratë që njoftonte lajmin tashmë ishte lëshuar.
Një zëdhënës i mbretit theksoi në një deklaratë të rrallë, “Publiku u informua vetëm pasi çdo anëtar i familjes ishte informuar”.
Një burim mbretëror theksoi për The Telegraph se Harry, 38 vjeç, nuk trajtohej ndryshe nga të afërmit e tjerë dhe se Charles, 73 vjeç, “nuk ishte në kontakt të rregullt” me askënd ndërsa shëndeti i nënës së tij u përkeqësua me shpejtësi.
“Të gjithë po përpiqeshin të arrinin aty ku duhej të ishin”, shtoi burimi. “Ky ishte fokusi”.
“Dhe mbreti ishte i bindur se deklarata zyrtare nuk duhet të lëshohej derisa të gjithë anëtarët e familjes të ishin informuar”.
Një burim i thotë Page Six se “ndërsa është e vërtetë që Harry e mori vesh vetëm pak para publikut, ishte sepse ai ishte në fluturim për në Skoci dhe nuk ishte i kontaktueshëm”.
Anëtarëve të familjes iu tha mbrëmjen e kaluar për rënien e shëndetit të Mbretëreshës, por nuk u konsiderua mjaft serioze që të gjithë të nxitonin në Balmoral, sipas raportit./UBTNews/