Ministria e Mbrojtjes e Spanjës njoftoi të martën se princesha Leonor do të fillojë shërbimin ushtarak 3-vjeçar nga muaji shtator.
“Si në të gjitha monarkitë parlamentare”, tha Ministrja e Mbrojtjes, Margarita Robles pas një takimi të kabinetit, se Leonor “duhet të ketë një sfond ushtarak dhe një karrierë ushtarake”.
Lajmin e konfirmoi edhe Qeveria e Spanjës përmes një shkrimi në Twitter.
Vajza e mbretit Felipe VI i mbush 18 vjet gjatë muajit tetor dhe do të raportojë për detyrën në Akademinë e Përgjithshme Ushtarake të ushtrisë spanjolle në Zaragoza./UBTNews/