Barcelona ka prezantuar edhe zyrtarisht fanellën speciale apo të pestën siç njihet ndryshe. E dizajnuar nga kapiteni legjendar Carles Puyol, u bë edhe një prezantim i tillë me të.
Kjo fanellë do të mund të përdoret në një takim dhe parashihet që një gjë e tillë të ndodhë në El Clasico. Barcelona do të takohet me Real Madridin më 11 prill të këtij vitit, por ende nuk është përcaktuar se ku do të luhet dueli.
Siç raportohet nga AS, derbi më i madh në planet në sportin më të ndjekur në botë mund të luhet edhe në Los Angeles.
Sidoqoftë, fanella speciale ishte parashikuar që të zbulohej para El Clasicos dhe një gjë e tillë tashmë ndodhi.