Presidenti i UEFA-s, Aleksander Ceferin, nuk ka frikë se veprimet ligjore mund të ringjallin Superligën e shkëputur të propozuar më parë nga një duzinë klubesh në të gjithë Evropën.
“Sido që të jetë vendimi i gjykatës, ai nuk ndryshon asgjë: projekti është i vdekur sepse askush nuk dëshiron të përfshihet”, tha 54-vjeçari Ceferin, për gazetën italiane Gazzetta dello Sport.
Real Madrid, Barcelona dhe Juventus vazhdojnë të ndjekin shkëputjen, por nëntë klubet e tjera rebele, duke përfshirë Manchester United dhe Liverpool nga Anglia, e kanë hedhur poshtë – të paktën zyrtarisht.
Procedurat për Superligën pritet të shqyrtohen në Gjykatën Evropiane të Drejtësisë, në muajin korrik. /UBTNews/