Portieri i talentuar shqiptar, Diant Ramaj, duket se është shumë afër një transferimi të madh, pasi Ajax ka marrë vendimin për ta lënë të largohet nga klubi, dhe Borussia Dortmund ka shfaqur interes për shërbimet e tij. Lajmi ka shkaktuar një ngazëllim të madh, pasi 23-vjeçari ka arritur të bëhet një emër i njohur në futbollin europian.
Aktualisht, Ramaj është portieri i dytë pas Remko Pasver në Ajax, duke pasur mundësi të pakta për të luajtur. Megjithatë, ai ka shfaqur potencial të madh gjatë periudhës së tij te skuadra holandeze, dhe Dortmund është një mundësi e madhe për të ardhmen e tij.
Raportet e fundit sugjerojnë se negociatat mes Borussia Dortmund dhe Ajax janë në fazën e avancuar dhe se marrëveshja është gati për t’u finalizuar. Tarifa e transferimit pritet të arrijë në rreth 5 milionë euro, një shumë e konsiderueshme për një portier të ri.
Por, plani i Dortmundit nuk përfundon me transferimin e Ramajt, pasi klubi gjerman ka vendosur ta huazojë atë te Kopenhaga, një hap që mund të ofrojë më shumë mundësi loje për portierin shqiptar. Ky është një hap që do t’i mundësojë Ramajt të zhvillohet më tej dhe të fitojë eksperiencë, përpara se të bëhet pjesë e rregullt e skuadrës së Dortmundit.
Ramaj pritet të firmosë një kontratë afatgjatë, deri në vitin 2029, dhe me këtë transferim, ai mund të hapë një kapitull të ri në karrierën e tij. Për shumë, ky është një hap i rëndësishëm për një portier që po tregon gjithnjë e më shumë se ka aftësinë për t’u bërë një emër i madh në futbollin europian./UBTNews/