Federata e Auto Sportit e Kosovës (FASK) ka bërë të ditur sot se do të merr pjesë në garën e parë ndërkombëtare këtë vit, që zhvillohet në Ponikva të Maqedonisë së Veriut.
Ekipin kosovar, i cili është përzgjedhur nga FASK, e përbëjnë garuesit Ernest Daka, Gazmend Demolli, Valdet Kaçandolli, Arjeta Rysha, Lëndrim Dogani dhe Faton Rama.
Veçse do të jetë një garë që do të sjellë përvojë për garuesit kosovarë, po ashtu është e rëndësisë së veçantë për shkak se është në kuadër të kampionatit FIA CEZ.
Garuesit tanë janë shprehur tejet optimistë për paraqitje dhe rezultate të mira, ku edhe kanë bërë edhe investime të mëdha para fillimit të kampionatit të sivjetmë.