Kombëtarja e Polonisë nuk do ta luajë ndeshjen e fazës kualifikuese të eliminatoreve të Kampionatit Botëror “Katar 2022” kundër Rusisë, për shkak të sulmeve ushtarake të kësaj të fundit drejt Ukrainës, ka thënë presidenti i Federatës së Futbollit të Polonisë.
Të dy këto kombëtare do të përballen më 24 mars, ku ndeshja është paraparë të zhvillohet në Moskë, ku më pas fituesi i kësaj ndeshje do të takohet me fituesin mes Suedisë dhe Republikës së Çekisë.
Sidoqoftë, për shkak të ndërhyrjes së agresorit rus në shtetin e Ukrainës, Polonia është duke refuzuar që të zhvillojë ndeshjen kundër Rusisë.
“S’ka më fjalë, koha për vepra! Për shkak të eskalimit të situatës nga Federata e Rusisë drejt Ukrainës, Kombëtarja e Polonisë nuk ka për qëllim që të luajë ndeshjen eliminatore mes Polonisë dhe Rusisë. Ky është vendimi i vetëm më i mirë. Ne jemi në bisedime me Federatat e Sudisë dhe Republikës së Çekisë që të ndajmë të njëjtin qëndrim te FIFA”, tha Cezary Kulesza, presidenti i Federatë së Futbollit të Polonisë.
Po ashtu, krahas këtij vendimi të Kulesza ka shprehu përkrahje edhe ylli polak Robert Lewandowski, i cili përmes një postimi në rrjetin social Twitter tregoi që nuk dëshiron të luajë kundër Rusisë.
Postimin e Lewandowskit dhe të presidentit të Federatës së Futbollit të Polonisë e gjeni më poshtë.
Postimi i Cezary Kulesza
Koniec ze słowami, czas na czyny! W związku z eskalacją agresji Federacji Rosyjskiej na Ukrainę, reprezentacja Polski nie zamierza rozegrać barażowego meczu z rep. Rosji. To jedyna słuszna decyzja. Prowadzimy rozmowy z federacjami 🇸🇪 i 🇨🇿, aby przedstawić FIFA wspólne stanowisko.
— Cezary Kulesza (@Czarek_Kulesza) February 26, 2022
Postimi i Robert Lewandowskit
It is the right decision! I can’t imagine playing a match with the Russian National Team in a situation when armed aggression in Ukraine continues. Russian footballers and fans are not responsible for this, but we can’t pretend that nothing is happening. https://t.co/rfnfbXzdjF
— Robert Lewandowski (@lewy_official) February 26, 2022