Miralem Pjanic po i afrohet përfundimit të aventurës së tij në Barcelonë, me Fiorentinën dhe Napolin si kandidatët kryesorë për nënshkrimin e tij.
Barcelona po synon të ndahet me Pjanicin teksa ata synojnë të zvogëlojnë faturën e tyre të pagave, dhe ai është pranë një rikthimi në Itali në ditët në vijim, edhe pse jo te Juventusi, përcjellë KosovaPress.
Massimiliano Allegri ishte i etur për t’u ribashkuar me boshnjakun për periudhën e tij të dytë në krye të Juventusit, por kjo lëvizje është bërë e pamundur për shkak të nënshkrimit të Manuel Locatelli nga Sassuolo.
Mesfushori 31 vjeçar nuk është pjesë e planeve të Ronald Koeman për sezonin 2021/22.