Trajneri i Milanit, Stefano Pioli ka folur pas fitores ndaj Paris Saint-Germain në Ligën e Kampionëve.
Milani e mposhti PSG-në 2:1 në “San Siro” me ndihmën e golave të Rafael Leaos dhe Olivier Giroud, kurse golin e nderit për kampionin francez e shënoi Milan Skrinia.
Pas ndeshjes, Pioli foli për “BeIn Sport”, duke thënë se lojtarët luajtën me zemër dhe me plot energji.
“Lojtarët luajtën me zemrën e tyre, me energji, është ajo çka e donim. Ne menaxhuam të punojmë si një skuadër kundër një kundërshtari tejet të mirë”, tha Pioli.
Më tej, trajneri i Milanit kishte edhe një paralajmërim për Borussia Dortmundin.
“Sa më shumë lojtarë të gatshëm që kemi aq më mirë për ne. Skuadra punoi shumë mirë së bashku, dhe e meritoi fitoren. Tani ne duhet të bëjmë paraqitje të mirë kundër Dortmundit dhe t’i kalojmë ata”, tha Pioli.